منوعات صورة












دي بنيلوبي، أو “بي” زي ما صحابها اللي بيحبوا يختصروا الحاجات بيسموها. الحقيقة إن صحابها اللي محاوطينها من كل اتجاه مش سايبين لها مساحة تتنفس فيها. يعني مثلا عندك “آيلين” و”صوفيا” اللي بقيت “صو” بس، كل حتة تروحها ييجوا معاها، كل لبس بتختاره بيخضع لكلامهم هما بس. حتى “أول مرة” من كل حاجة، زي البوس، أو الدخول في علاقة حميمة مع حد عاجبها بجد، كل ده هما ما سابوش فكرة تخطر على بال “بي” إلا وشوهوها، والنتيجة إن لسه في حاجات كتير محصلهاش “أول مرة”.بي لما بتروح الجامعة بتحس بكرشة نَفَس مش مفهومة، بيلزق لها آيلين ومارك وإدنا، وطبعًا، ملكة الكُل: صوفيا. كلهم بيتكلموا ويتريقوا عليها، واخدين كل حاجة هزار رغم إن تخصصهم فيزيا الجُسيمات اللي في الفضاء، يعني كواكب ومذنبات وكده. “بي” عايزة تروح ناسا بس هما بيقعدوا حاطين رجل على رجل ويقولوا لها : ليه؟ ما هنا حلو، والوحش اللي عارفينه أحسن من الحلو اللي منعرفوش، وهي ح تتجنن.في يوم بنيلوبي صحيت على خنقة جامدة أوي، كإن فيه دخان في الشقة. قامت جري من على السرير وده سبب لها انخفاض في ضغط الدم مفاجئ راحت وقعت على الأرض، ثواني وفاقت تاني، وقامت تدور على مكان الحريقة، ملقيتهاش. اتمشيت شوية في الشقة الصغيرة أوي اللي مأجراها وبتشكر ربنا كل يوم على إن محدش ساكن معاها فيها. طلعت لها فكرة إنها متروحش الكلية النهاردة، فانبسطت أوي، وطلّعت الفستان الأخضر في أصفر اللي اشتريته وخبيته منهم، وألهمها ليه أصلا صورة بنت جميلة وصغيرة في التقويم المحطوط قدامها على المكتب. لبست الفستان، شالت معاها أجرة الباص بس في إيدها، ركبته وهي بتكبت رغبة ركبها إنها تنط وتجري وتزأطط في كل حتة في الباص الفاضي شوية، لحد ما وصلت الغابة الخارجية، وطلعت تجري.دلوأتي نقدر نقول إن بنيلوبي لما شمّيت الحرية، على أبواب قرارات جديدة وخطيرة. دلوأتي، نقدّر نهنّي بنيلوبي ونبتسم لها، ويمكن كمان نصوّرها وهي بتجري بكل انطلاق وحيوية، وجمال :)

vanilla-crushes: http://vanilla-crushes.tumblr.com/














 
وإذا كنت عاشقا للحقيقة فلا يغرنك أصحاب العقول الرعناء المتصلبة ، وما كانت الحقيقة لستند يوما إلي ذراع هؤلاء المتصلبين .

تعليقات

إرسال تعليق

لا تشاهد وترحل اترك بصمتك
سيتم الرد عليك خلال 24 ساعة كاقصى حد للرد